Tonkē uždoudami klausemā

Kas tas ī skīdėnė truoba? Kou ana skėras nu karkasėnės?

Tas īr truoba, pastatīta ėš gamīkluo parengtu skīdu. Skīds – medėnė karkasa truobuos sėina. Ana susided ėš išuorėnės dailīlėntės, viejė izolecėjės, apšėltėnėma, vėntilecėjės ėr vėdaus apdailuos medžegū (medė druožliu pluokštės + gipsa kartuona pluokštės arba dailīlėntės). Karkasėnė truoba īr beveik tas pats, kāp ėr skīdėnė. Karkasėnė truoba nu pat pradžiū īr statuoma statības vėituo ėš gamīkluo pripjautuos medienas ar sokaltū karkasu, vo skīdėnė truoba statuoma ėš gamīkluo paruoštū skīdu – sėinu.

Kokėi īr skīdėnės trobuos privalomā ėr trūkomā?

Privalomā: grētā pastatuoma, ekoluogėška, šėlta truoba, optimali anuos kaina. Trūkomā: tuokiuos truobuos idiejė ėr anuos igīvendėnėms kartās nesotamp so tradiciniu lietovėšku puožiūrio, ka truoba tor būtė ėš plītu, vo lengvas medėnės konstrukcėjės prastiau absorbuo smūgė vibracėjė.

Kuokė īr karkasėnės truobuos kvadrata kaina? Kas i anou īr iskaičiouta?

Mes statuom truobas pagal individualius pruojektus. Patėrtis ruoda, ka tuokiuos pat kvadratūras truobas gal skirtingā kaštoutė. Tas priklausa nu sėinu apimtėis, perdangu ėr nauduojemu medžegū ivairuovės. Tradicėnės karkasėnės truobuos kaina pasided nu 1.500 Lt. I tou kaina iskaičiuota išuorėnė truobuos apdaila, pėlns apšėltėnėms, dalėnė vėdaus apdaila, stuogs, longā, duris. Neieit pamatā, elektras ėr santechnikas instalecėjė, galutėnė vėdaus apdaila, baldā ėr kt.

Kėik laika gal tarnautė karkasėnė truoba?

Je truoba pastatīta pagal vėsas karkasėnės truobuos taisīklės, tuokėi nomā gal tarnautė 100 ėr daugiau metu. Pu 50 metu gal reikies pakeistė išuorėnė dailīlėntė. Pagrindėnės nama konstrukcėjės turietom lėktė napasikeitosės.

Kāp rēk priveizietė karkasėnė truoba?

Vėsū pėrma, ana tor būtė pagaminta ėr pastatīta specelistu, išlaikont šimtmečius tuobulinta technoluogėjė. Ka truoba jau stuov, juokiuos īpatingas priežiūras anā nerēk, tiktās kas kelė metā gal perdažītė išuorėnė dailīlėntė. Šiuolaikėnē kuokībėškė dažā laika 10–15 metu.

Kėik laika užtrunk pastatītė karkasėnė truoba?

Vėdotėnės 150 m2 truobuos skīdu paruošėms gamīkluo trunk 4 nedielės. Statības vėituo dar gal sogaištė 10–12 nedieliu, vo pu tuo truoba jau stuov so dalėnė vėdaus apdaila.

Kuokė īr karkasėnės truobuos šėlomėnė varža?

Karkasinie truobuo šėlumuos izolecėjė īr nauduojama ėr konstrukcinie dalie. Acėžvelgont i kainas ėr kuokībės santiki mūsa statuomu truobū išuorėniu sėinu šėlumuos varžuos koeficiėnc sėik 4–5, vo stuoga 6–7.